Narra Paramesh
కేంద్రం కీలక ప్రకటన.. ఆధార్ కార్డుదారులు ఏం చేయాలంటే?
ఆధార్ కార్డు అనేది ఎంత ముఖ్యమైన డాక్యుమెంటో ప్రత్యేకంగా చెప్పనక్కర్లేదు. మీరు పాన్ కార్డు తీసుకోవాలన్నా, రేషన్ కార్డు కోసం దరఖాస్తు చేసుకోవాలన్నా.. ప్రభుత్వం అందించే సంక్షేమ పథకాలు పొందాలన్నా ఇప్పుడు ఆధార్ అనేది తప్పనిసరిగా మారిపోయింది. ఆధార్ కార్డుదారులు తమ వివరాలను కరెక్ట్‌గా ఉండేలా చూసుకోవాలి. లేదంటే ఇబ్బందులు పడాల్సి వస్తుంది. ఆధార్‌లోని మీ పేరు, అడ్రస్, మొబైల్ నంబర్ సహా అన్ని వివరాలు సరిగ్గా ఉండాలి. ప్రస్తుతం ఆధార్ అథెంటికేషన్ ద్వారానే అన్ని ట్రాన్సాక్షన్లు జరుగుతున్నాయి. ఇలాంటి సందర్భంలో మొబైల్ నంబర్ అనేది కీలకంగా మారుతోంది. ఫోన్‌కు వచ్చే ఓటీపీ ఆధారంగానే అన్ని పనులు జరుగుతున్నాయి. అందుకే ఎప్పటికప్పుడు మీ నంబర్ అప్డేట్ చేసుకోవాల్సి ఉంటుంది.
మీరు మొబైల్ నంబర్ మార్చినా, లేదంటే పోగొట్టుకున్నా కొత్త నంబర్ తీసుకోగానే ఆ నంబర్‌ను ఆధార్ కార్డులో కూడా అప్డేట్ చేసుకోవాలి. అప్పుడు ఎలాంటి ఆంటకాలు లేకుండా ట్రాన్సాక్షన్లు చేయవచ్చు. మీరు మీ ఆధార్‌లో మొబైల్ నంబర్ యాడ్ చేయడం లేదా అప్డేట్ చేసుకోవాలని భావిస్తున్నట్లయితే ఈ కొత్త రూల్స్ తెలుసుకోవాలి. ఆధార్‌లో మొబైల్ నంబర్ అప్డేట్ ఆన్‌లైన్ ద్వారా చేసుకోవడం కుదరదు. తాజాగా యూనిక్ ఐడెంటిఫికేషన్ అథారిటీ ఆఫ్ ఇండియా సోషల్ మీడియా ఎక్స్ అకౌంట్ ద్వారా కీలక ట్వీట్ చేసింది. ఇకపై ఆధార్ కేంద్రాల్లో మాత్రమే మొబైల్ నంబర్ యాడ్ చేయడం, అప్డేట్ చేసుకోవడం వంటివి ఉంటాయి స్పష్టం చేసింది.
మీ ఆధార్‌తో మొబైల్ నంబర్ అప్డేట్ చేసి ఉన్నట్లయితే చాలా రకాల ఆధార్ సంబంధిత సేవలను ఆన్‌లైన్ ద్వారా పొందవచ్చు. మీ సమీపంలోని ఆధార్ కేంద్రానికి వెళ్లి ఆధార్ కార్డులో మీ మొబైల్ నంబర్ అప్డేట్ చేసుకోండి. అయితే, ఆధార్‌లో మొబైల్ నంబర్ యాడ్ చేయడం లేదా అప్డేట్ చేయడం కేవలం ఆధార్ సెంటర్లలో మాత్రమే చేసుకోవచ్చు.’ అని పేర్కొంది యూఐడీఐఏ.
ఆధార్ సెంటర్‌కు వెళ్లే ముందు మీరు అపాయింట్‌మెంట్ తీసుకోవాల్సి ఉంటుంది. యూఐడీఏఐ వెబ్‌సైట్‌లోకి వెళ్లి అపాయింట్‌మెంట్ తీసుకోవచ్చు. ఇలా చేయడం ద్వారా ఆధార్ కేంద్రంలో వేచి చూడాల్సిన అవసరం రాదు. అపాయింట్‌మెంట్ లేకున్నా కూడా ఆధార్ కేంద్రంలో మొబైల్ నంబర్ అప్డేట్ చేసుకోవచ్చు. ఇందుకోసం మీరు రూ.50 ఛార్జి చెల్లించాల్సి వస్తుంది. ఆధార్ మొబైల్ నంబర్ ఆన్‌లైన్ ద్వారా చేసుకోవడం కుదరదని మరోసారి స్పష్టం చేసింది యూఐడీఏఐ.
This post was created with our nice and easy submission form. Create your post!
