సంగీతరావు
విద్యార్థి వర్క్‌బుక్‌ దిద్దలేదని డీఈవో ఉపాధ్యాయుడికి షోకాజ్‌ నోటీస్‌ జారి చేశారు. తూర్పుగోదావరి జిల్లా డీఈవో అబ్రహాం నిడదవోలు మండలం కలవచర్ల గ్రామం లోని మండల పరిషత్‌ ప్రాథమిక పాఠశాలను ఆకస్మికంగా తనిఖీ చేశారు. ముందుగా మూడో తరగతి క్లాస్‌ రూమ్‌లోకి వెళ్లారు. విద్యార్థులను ఎలా ఉన్నారని.. ఎలా చదువుకుంటున్నారని ప్రశ్నించారు.అనంతరం వరుసగా వర్క్‌బుక్స్‌ తీసు కురమ్మని విద్యార్థులకు సూచించారు.సుమారు నలుగురి వర్క్‌బుక్స్‌ పరిశీలించి అవాక్కయ్యారు.సంబంధిత ఉపాధ్యాయుడు వర్క్ బుక్స్‌ను దిద్దకపోవడాన్ని గుర్తించాడు. దీంతో ఉపా ధ్యాయుడి తీరుపై అసంతృప్తి వ్యక్తం చేశారు. మీరు ఏం చేస్తున్నారని.. ఇలా చేస్తే ఎలా అని మండిపడ్డారు. విధుల్లో నిర్లక్ష్యంగా ఉన్నందుకు వెంటనే ఆ ఉపా ధ్యాయుడికి షోకాజ్‌ నోటీసు జారీ చేసినట్టు మం డల విద్యాశాఖాధికారి తెలిపారు.
This post was created with our nice and easy submission form. Create your post!
