అంతరిక్షంలో ఇస్రో స్సేస్‌ సెంటర్‌.నిర్మించేందుకు ఎంతకాలంపడుతుంది

అంతరిక్షంలో భారత్ రాణిస్తోంది. చంద్రయాన్-3 విజయం తర్వాత ఇస్రో కూడా సౌర కక్ష్యలోకి అంతరిక్ష నౌకను పంపింది. చంద్రయాన్ 3 తర్వాత భారత్ రికార్డు సాధించింది. ప్రపంచ వ్యాప్తంగా చంద్రునిపై రోవర్ ను ల్యాండ్ చేసిన నాలుగో దేశం అవతరించింది. ఆ తర్వాత ఆదిత్య ఎల్ 1 మిషన్ ను సూర్యుని వద్దకు పంపి మరో విజయాన్ని సొంతం చేసుకుంది భారత్. ఈసారి అంగారక గ్రహం, శుక్రగ్రహాలపైకి ఒకేసారి అంతరిక్ష నౌకలను పంపేందుకు భారత అంతరిక్ష పరిశోధనా సంస్థ సన్నాహాలు చేస్తోంది. ఒకదాని తర్వాత మరొకటి విజయవంతం అయినప్పటికీ, భారతదేశానికి ఇప్పటికీ అంతరిక్షంలో అంతరిక్ష కేంద్రం లేదు. మన దేశం అంతరిక్షంలో అంతరిక్ష కేంద్రాన్ని ఎప్పుడు నిర్మిస్తుందని ఇస్రో చీఫ్ ఎస్ సోమనాథ్ ప్రశ్నించగా, దీనిపై ఆయన స్పందిస్తూ.. వచ్చే 20 నుంచి 25 ఏళ్ల లో ఇస్రో అంతరిక్ష కేంద్రాన్ని నిర్మిస్తుందని ఆయన పేర్కొన్నారు.

ఒక అంతర్జాతీయ మీడియాకు ఇచ్చిన ఇంటర్వ్యూలో ఇస్రో చీఫ్ ఎస్ సోమనాథ్ మాట్లాడుతూ, “మా గగన్‌యాన్ ప్రాజెక్ట్ ప్రజలను అంతరిక్షంలోకి పంపడానికి ప్రయత్నిస్తోంది. ఈ మిషన్ విజయవంతమైతే, మేము అంతరిక్షంలో స్పేస్ స్టేషన్‌ను నిర్మించాలనే ఆలోచనను ప్రారంభిస్తాము. అంతరిక్షంలో భారత అంతరిక్ష కేంద్రాన్ని నిర్మించడానికి ఎంత సమయం పడుతుందన్న ప్రశ్నకు ఎస్.సోమ్‌నాథ్ స్పందిస్తూ.. 20 నుంచి 25 ఏళ్లలోపు అంతరిక్ష కేంద్రాన్ని నిర్మించడం సాధ్యమవుతుందని భావిస్తున్నాం అని అన్నారు. ‘మేము దశలవారీగా ముందుకు సాగుతున్నాము. దీర్ఘకాల మానవ అంతరిక్షయానం, అనేక ఇతర అంతరిక్ష యాత్రలు మా లక్ష్యాల జాబితాలో ఉన్నాయి.’ అని అన్నారు.

గగన్‌యాన్ తర్వాత ISRO ప్రణాళికల గురించి అడిగినప్పుడు ‘తదుపరి దశ అంతరిక్ష కేంద్రాన్ని నిర్మించడం. ఆ తర్వాత మేము చంద్రునిపైకి అంతరిక్ష నౌకను తిరిగి పంపుతాము.. కానీ మానవులను విమానంలో పంపుతాము. అదే మా ప్లాన్.’ అని పేర్కొన్నారు.