తిరుమల ఘాట్‌ రోడ్డులో తప్పిన ప్రమాదం

తిరుమల: తిరుమల రెండవ ఘాట్ రోడ్డులో పెను ప్రమాదం తప్పింది. నాలుగవ కిలో మీటరు వద్ద ఆర్టీసీ బస్సు అదుపు తప్పి కొండను ఢీ కొట్టింది. ఈ ప్రమాదంలో ఆర్టీసీ బస్సులో ప్రయాణిస్తున్న పలువురు భక్తులకు స్వల్ప గాయాలయ్యాయి..

డ్రైవర్ అతివేగంగా బస్సును నడపడమే ప్రమాదానికి కారణంగా తెలుస్తోంది. తిరుపతి నుంచి తిరుమలకు వస్తుండగా తిరుమలకు సమీపంలో ఈ ఘటన చోటు చేసుకుంది. దీంతో ఘాట్ రోడ్డులో ట్రాఫిక్ స్తంభించింది. సమాచారం అందిన వెంటనే ట్రాఫిక్‌ పోలీసులు ఘటనా స్థలానికి చేరుకుని ట్రాఫిక్‌కు క్రమబద్ధీకరించారు. గాయపడిన వారిని తిరుమలలోని అశ్వినీ ఆసుపత్రికి తరలించారు..

This post was created with our nice and easy submission form. Create your post!